tél awiwda bényamin nétanyahu hökümitining istipa bérishi telep qilindi
israiliyening paytexti tél awiwda israiliye bash ministiri bényamin nétanyahu hökümitining istipa bérishi we muddettin burun saylam ötküzülishini telep qilip namayish ötküzüldi.
türkiye awazi radiyosi xewiri: texminen ming kishi dölet mudapie ministirliqining yénigha toplinip, israiliye bayriqi we lozinkilarni kötürüshken halda hökümetke naraziliq bildürdi.
namayishchilar israiliye bash ministiri nétanyahuning resimining üstige «jinayet ministiri», «israiliyeni weyran qilghuchi» dégen xetler yézilghan pilakatlarni we hökümetni tenqid qilghan lozinkilarni kötürüp namaysh qildi.
namayishchilar dölet mudapie ministirliqi aldidiki yolni tosup qoyghandin kéyin, piyade we atliq israiliye saqchiliri namayishchilargha mudaxile qilip az dégende 3 kishini qolgha aldi.
mudaxile jeryanida, saqchilar bilen namayishchilar otturisida malimanchiliq we aghzaki talash tartish yüz berdi.
israiliye saqchiliri namayishchilar topigha tewe bir qisim chalghu eswablar we mégafonlarni musadire qildi.
insanperwerlik apiti chongqurlashqan qorshaw astidiki ghezze rayonigha qiliniwatqan hujumlarning toxtitilishini we urush toxtitishni telep qilip tél awiwda urushqa qarshi namayish ötküzüldi.
dölet mudapie ministirliqining yénigha toplanghan israiliyelik namayshchilar, «intiqam bilen ghelibe bolmaydu», «qanunsiz köchmenler térrorluqni toxtitinglar!», «bixeterlik peqet tinchliq arqiliqla emelge ashidu», «ishghaliyet bolghan yerde démokratiye bolmaydu» dep yézilghan lozunkilarni kötürüp namayish qildi.
namayshchilar israiliyening ghezze rayonigha qilghan hujumlirigha naraziliq bildürüp, urush toxtitishni telep qildi.
gherbiy quddus, hayfa we birussebi qatarliq sheherlerdimu minglighan israiliyelik namayish ötküzüp, ghezzediki israiliyelik esirlerni qayturup kélish üchün siyasiy bir kélishim tüzülishi kéreklikini we nitaniyahu hökümitining istipa bérishini telep qildi.
