xusiylar engliyening bir paraxotigha bashqurulidighan bomba atqan
yemende iran qollawatqan xusiylar qizil déngizda «ishghal astidiki pelestin porti» gha qarap kétiwatqan engliyening bir soda paraxotigha hujum qilghanliqlirini élan qildi.
türkiye awazi radiyosi xewiri: xusiylarning armiye beyenetchisi yehya seri éks (X) adrésida, engliyening soda paraxotigha zerbe bérilgenliki toghrisida bayanat élan qildi.
bayanatta, «amérika bilen engliyening yemenge qilghan hujumi» gha jawaben, «qizil déngizda engliyening bir soda paraxotigha bashqurulidighan bomba bilen zerbe bergebérilgenliki» qeyt qilindi.
bayanatta mundaq déyildi:
«ghezze qorshawi emeldin qaldurulup, isirailiye hujumlirini toxtatqiche qizil déngiz we oman déngizida isirailiye paraxotlirigha yaki isirailiyege baridighan paraxotlargha zerbe bérish dawamlishidu.»
yemende iranning qollishi astidiki xusiylar 31-öktebir (2023) din tartip isirailiyening ghezzediki hujumlirigha jawab qayturushni seweb qilip, yemen déngizi tewelikide isirailiye shirketlirige chétishliqi barliqini ilgiri sürgen soda paraxotlirini musadire qilishni, bezilirige uchqu we bashqurulidighan bombilar bilen hujum qilishni bashlighan idi.
amérika herbiy qisimliri nurghun qétim yemendin étilghan bashqurulidighan bomba we uchqularning étip chüshürülgenlikini élan qilghan idi.
dunyadiki nurghun xelqaraliq déngiz tiransiport shirketliri xusiylarning hujumliri sewebidin qizil déngizdiki paraxot qatnishini bikar qildi.
dunya sodisining texmine %12 i aqdéngizni qizil déngizgha tutashturup, yawropa bilen asiya otturisidiki musapini qisqartidighan süweyish qanili arqiliq emelge ashidu.
