xusiylar qizil déngizda amérika urush paraxotigha zerbe bergenlikini élan qildi

türkiye awazi radiyosi xewiri: xusiylarning herbiy bayanatchisi yehya seri ékis (X( adrésida élan qilghan bayanatida, xusiylarning qizil déngizda amérika déngiz armiyesige qarshi élip barghan hujumi heqqide melumat berdi.

yehya seri amérika déngiz armiyesining «USS Gravely» namliq qoghlighuchi paraxotigha «muwapiq déngiz bashqurulidighan bombisi» bilen zerbe bergenlikini, bu hujumning pelestin xelqini qollash, amérika we engliyening yemenge qilghan hujumigha jawab qayturush üchün élip bérilghanliqini bildürdi.

u: «yemen qoralliq qisimliri qizil déngiz we oman déngizida dölitimizge qarshi hujumgha qatnashqan amérika we engliyening barliq urush paraxotlirining, armiyemizning hujum nishani dairiside ikenlikini shundaqla dölitimiz, xelqimiz we millitimizning qanunluq qoghdinish heq -hoquqi ramkisida hujum nishani qilinidighanliqini tekitleydu» dédi.

u yemen xelqining pelestin mesilisige tutqan pozitsiyesi terepke diqqetlerni tartip: «ghezzege qiliniwatqan hujum toxtighan we qorshaw békar qilinghiche yemen qoralliq qisimliri israiliyening igidarchiliqidiki yaki uninggha chétishliq paraxotlarning ishghaliyet astidiki pelestin portlirigha bérishi we méngishining aldini élishni dawamlashturidu» dédi.