baydin: iranni biwaste jawabkarliqqa tartishni oylishimiz
amérika pirézidénti jo baydin: «biz ottura sherqte keng kölemlik urushqa éhtiyajliq emes, bundaq niyitimiz yoq» dédi.
türkiye awazi radiyosi xewiri: pirézidént jo baydin floridada ötküzülidighan saylam seperwerlik paaliyitige qatnishish üchün aqsaraydin yolgha chiqishtin ilgiri muxbirlarning soallirigha jawab berdi.
u süriye-iyordaniye chégrasidiki amérika bazisigha qilinghan hujumgha qandaq jawab qayturushni qarar qilghanliqlirini bildürdi.
u iranni hujumning jawabkari dep qaraydighan-qarimaydighanliqi toghrisidiki soalgha: «bu hujumni qilghan kishilerni qoral bilen teminlesh nuqtisidin éyqanda, iranni jawabkar dep qaraymen » dep jawab berdi.
u «hujumning iran bilen biwaste chétishliqi barliqi otturigha chiqqan ehwalda iran biwaste jawabkarliqqa tartilamdu?» dégen soalgha bolsa, «buni muzakire qilimiz» dep qisqila jawab bergendin kéyin, sözini mundaq dawamlashturdi:
« biz ottura sherqte keng kölemlik urushqa éhtiyajliq emes, bundaq niyitimiz yoq .»
amérika pirézidénti jo baydin yéqinqi ikki künde 27-yanwar (2024) süriye-iyordaniye chégrasidiki amérika herbiy bazisigha qilinghan hujum sewebidin dölet xewpsizlik kéngishini üch qétim yighingha chaqirip, hujumgha qandaq jawab qayturushni muzakire qilghan idi.