sherqiy jenubiy asiya döletliri ittipaqi xitayning jenubiy déngizdiki herikitini muzakire qildi

türkiye awazi radiyosi xewiri: sherqiy jenubiy asiya döletliri ittipaqi tashqi ishlar ministirliri laosta toplinip, xitayning jenubiy déngizdiki heriketliri we birmaning yéngi weziyitini muzakire qildi.

sherqiy jenubiy asiya döletliri ittipaqining tor bétidiki bayanatida, ittipaqning nöwetchi reislikini 1-yanwar (2024) tapshuruwalghan laosning sahibxanliqida, eza döletler tashqi ishlar minstirlirining toplanghanliqi bildürüldi.

yighin ramkisida «jenubiy déngizdiki ixtilaplar, déngiz bixeterliki we xitayning heriketliri» üstide özara pikir almashturghan tashqi ishlar ministirliri, birmaning nöwettiki weziyitinimu muzakire qildi.

hindonéziye tashqi ishlar ministiri rénto marsudi sherqiy jenubiy asiya döletliri ittipaqining birma üchün belgilengen besh maddiliq pilan-layihesini asas qilish wedisini qizghin qarshi alidighanliqlirini bildürdi.

u amérika, engliye we kanada qatarliq bezi döletlerning «ottura sherqtiki pelestinlik musapirlargha yardem qilish agéntliqi» ni qollashni toxttish qararidin chongqur qayghurghanliqlirini qeyt qildi.

birma 2021-yili féwralda armiye hökümetni ötküzüwalghandin buyan tunji qétim qatnashqan sherqiy jenubiy asiya döletliri ittipaqi tashqi ishlar ministirliri yighinida, yuqiri derijilik emeldar daw malar tanxtaik bu döletke wekillik qildi.