kanada qoral émbargosini emeldin qaldurdi
kanada 2020-yildin buyan türkiyege mudapie sanaiti mehsulatliri sétishni cheklesh émbargosini emeldin qaldurdi.
türkiye awazi radiyosi xewiri: kanada hökümiti qoral-yaragh éksport qilidighan shirketlerge qaritip élan qilghan bayanatida, 2020-yili 16-aprél türkiyege bezi mudapie sanaiti mehsulatlirini éksport qilish üchün sunulghan iltimaslarni ret qilishning bashlanghanliqini xatiriletken halda: «bu siyaset emeldin qalduruldi» dédi.
bayanatta, türkiyege éksport qilinidighan oq-dora we qoral-yaragh tizimlikliri, shundaqla shirketlerning ruxset iltimaslirining, kanadaning xeterni bahalash belgilimisi boyiche tekshürülidighanliqi eskertildi.
kanada hökümiti ezerbeyjanning 2020-yili 27-séntebir erméniye ishghaliyiti astidiki zéminlarni azad qilish üchün bashlighan we 44 kün dawamlashqan ikkinchi taghliq qarabagh urushida, ezerbeyjanni qollighanliqi sewebidin türkiyege qarshi qoral émbargosi yürgüzgen idi.