israiliye qisimliri liwangha qarshi urush meshiqini ashurghanliqini élan qildi
israiliye qisimliri liwangha qarshi shimaliy firontta bataliyon sewiyeside sheher urushigha teyyarliq qilish we heqiqiy oq bilen urush meshiqining salmiqini ashurghanliqini élan qildi.
türkiye awazi radiyosi xewiri: israiliye armiyesining bayanatida, urush teyyarliqining aldinqi hepte shimaliy rayon qomandanliq ishtabi teripidin élip bérilghanliqi, xelq eskerliri derijilik qisimlargha baza etriti, topchi qisim we piyade eskerlerning qatnishishi bilen jiddiy meshiq élip bérilghanliqi bildürüldi.
israiliye bash ministiri bényamin nétanyahu bilen dölet mudapie ministiri yow gallant liwanning shimalida hizbullah qisimlirigha qarshi chégra halqighan hujumlarni élip bérish toghrisida köp qétim bayanat élan qilghan idi.
israiliye qisimliri bilen hizbullah otturisida 2023-yili 8- öktebirdin buyan chégrada dawamlishiwatqan toqunushlarda, 30 liwan puqrasi we 171 hizbullah ezasi shundaqla 6 israiliye puqrasi we 10 israiliye eskiri qaza qilghan idi.