amérikada bir türküm namayishchilar antoniy blinkénning öyining uduligha chédir qurdi

türkiye awazi radiyosi xewiri: bilinkénning wirginiye ishtatidiki öyi aldida namayish qilghan pelestinni qollighuchilar, «blinkén israiliyening térrorluqni qollawatidu!», «qanxor blinkén!» we «billinkénning öyini ishghal qilinglar, ghezze uzun ömür körsun!» dep yézilghan lozunkilarni achti.

namayishchilardin biri bolghan hazami barmada amérikaning urush jinayiti, irqiy qirghinchiliq we insaniyetke qarshi jinayetlergila «shérik» bolup qalmastin öz nöwitide yene «jawabkar» ikenlikini éytti.

hazami barmad: «amérika tashqi ishlar ministiri antoniy blinkénning öyining aldigha chédir qurimiz, chünki u israiliyening pelestin xelqige qarshi urush jinayiti we irqiy qirghinchiliqini qollash shundaqla imkan yaritip bérish bilen jinayet shérikidur» dédi.

amérikaliq yehudiy namayishchisi jérémiy léwingérmu söz qilip: «ghezzede urush toxtitishni telep qilmighanliqi üchün blinkén we uning bilen oxshash pozitsiyediki siyasionlargha küchlük bésim ishlitish kérek» dédi.

jérémiy léwingér: «amérikaning israiliyege qilghan herbiy yardimini toxtitishqa chaqiriq qilishmaydu. ghezzede urush toxtitish yaki ghezzediki ishghaliyetni toxtitishqa chaqiriq élan qilishmaydu» dédi.