amérika shiwétsiyening iltimasining testiqlanghanliqidin memnun ikenlikini bildürdi
amérika jumhur reis rejep tayyip erdoghanning shiwétsiyening shimaliy atlantik ehdi teshkilati-natogha kirish iltimasigha munasiwetlik qarargha imza qoyghanliqidin memnunluq hés qilghanliqini bildürdi.
türkiye awazi radiyosi xewiri: amérika tashqi ishlar ministiri antoni blinkén éks (X) adrésida hembehrligen uchurida: «türkiye jumhur reisi erdoghanning shiwétsiyening natogha kirish iltimasini testiqlighanliqini xushalliq bilen qarshi alimiz» dédi.
u uchurida yene, shiwétsiyening natogha eza bolush höjjetlirining washingtongha yetküzülüshini we natoning 32-ezasi bolushini teqezzaliq bilen kütüwatqanliqlirini eskertip: «shiwétsiye we ittipaq birlikte téximu küchlük bolidu» dédi.
türkiye jumhur reislik mehkimisi uchur-alaqe ishliri idarisining éks adrésida tünügün (25-yanwar) élan qilinghan bayanatida, «jumhur reis rejep tayyip erdoghan shiwétsiyening natogha eza bolush iltimasigha munasiwetlik büyük millet mejliside qobul qilinghan qanunni élan qilish toghrisida perman chüshürdi we shiwétsiyening natogha eza bolush kélishimini testiqlidi» déylgen idi.
tünügün rejep tayyip erdoghanning permani resmiy gézitte élan qilinghan idi.
