ئامېرىكا ھۆكۈمىتى: تۈركىيەگە F-16 تىپلىق ئايروپىلانلارنى سېتىش ئامېرىكاغا پايدىلىق
ئامېرىكا ھۆكۈمىتى تۈركىيەگە F-16 تىپلىق ئايروپىلانلارنىڭ سېتىلىشىنىڭ ھەم ئامېرىكانىڭ، ھەم تۈركىيە ۋە شىمالىي ئاتلانتىك ئەھدى تەشكىلاتى-ناتودىكى باشقا ئىتتىپاقداشلىرىنىڭ دۆلەت بىخەتەرلىك مەنپەئەتىگە ئۇيغۇن ئىكەنلىكىنى بىلدۈردى.
2092700
تۈركىيە ئاۋازى رادىيوسى خەۋىرى: ئاقساراي دۆلەت بىخەتەرلىك كېڭىشى مەسئۇلى F-16 تىپلىق ئايروپىلانلارنىڭ تۈركىيەگە سېتىلىشى ھەققىدە توختالدى.
ئاقساراي دۆلەت بىخەتەرلىك كېڭىشى مەسئۇلى ئامېرىكا پىرېزىدېنتى جو بايدىننىڭ باشتىن-ئاخىر تۈركىيەنىڭ F-16 ئايروپىلان ئەترىتىنىڭ زامانىۋىلاشتۇرۇلىشنى قوللىغانلىقىنى تەكىتلىدى.
ئاقساراي مەسئۇلى: «بۇ (F-16 سېتىش) شىمالىي ئاتلانتىك ئەھدى تەشكىلاتىنىڭ ئۆزئارا ماسلىشىشچانلىقىنى ئاشۇرىدۇ ۋە ئامېرىكانىڭ دۆلەت مەنپەئەتىگە پايدىلىق. چەت ئەللەرگە قورال-ياراغ سېتىشتا پالاتانىڭ مۇھىم رولى بار، بۇ مەسىلە ئۈستىدە بىز پالاتا بىلەن بىرلىكتە خىزمەت قىلماقتىمىز» دېدى.
