israiliyening wehshiylerche hujumlirida öltürülgen pelestinliklerning sani 25 mingdin ashti
israiliye 7 - öktebir (2023) din buyan wehshiylerche hujumlirini dawamlashturuwatqan ghezze rayonida öltürülgen pelestinliklerning sani 25 mingdin éship ketti.
türkiye awazi radiyosi xewiri: ghezzediki sehiye ministirliqi öltürülgen pelestinlikler sanining 25 ming 105 ke we yarilanghanlar sanining 62 ming 681 ge yetkenlikini xewer qildi.
israiliye qisimliri kéchide élip barghan hujumlarda elxelil, nablus we tulkarm shehiri qatarliq nurghun jaylarni bombardiman qildi.
pelestinning resmiy xewer agéntliqi «WAFA» ning xewer qilishiche, israiliye ghezze rayonining jenubidiki xan yunus shehirige qaratqan hujumlirini kücheytken.
xewerde, israiliye qisimlirining xan yunusta élip barghan hujumlirida köpinchisi kichik balilar bolup, jemiy 10 kishining öltürülgenliki we onlighan kishining yarilanghanliqi uqturuldi.
xewerde, etigende urush ayropilanliri bilen élip bérilghan bomba hujumida bir kichik balini qoshqanda, jemiy üch kishining qaza qilghanliqi we yarilanghanlarningmu barliqi bildürüldi.
xewerde, xan yunusning gherbidiki el-mawasi rayonida bir öyning partlitilghanliqi tekitlinip, israiliye qisimlirining xan yunus shehiridiki nurghun rayonlargha hawadin we quruqluqtin qiliwatqan hujumini kücheytkenliki uqturuldi.
israiliyening gherbiy qirghaq we sherqiy quddusta élip barghan hujumida bolsa, nurghun kishi tutqun qilindi.
