пәләстинни қоллиғучилар билән италийә сақчилири оттурисида сүркилиш йүз бәрди
италийәниң шималидики висенза шәһирдики бир йәрмәнкигә исраилийәлик иштиракчиларниң қатнишишиға наразилиқ билдүрмәкчи болған пәләстинни қоллиғучи хәлқ аммиси билән италийә сақчилири оттурисида сүркилиш йүз бәрди.
түркийә авази радийоси хәвири: висенза шәһиридә исраилийәниң ғәззәгә қиливатқан һуҗумиға наразилиқ билдүрүп, пәләстинни қоллаш намайиши өткүзгән тәхминән 500 кишилик гуруппа шәһәрдики алтун йәрмәнкисигә қатнашмақчи болған исраилийәлик иштиракчиларға қарши намайиш өткүзди. италийә бихәтәрлик қисимлириниң намайишқа тосқунлуқ қилиши билән сүркилиш чиқти.
қоллирида «йәр шари урушини тохтитиңлар!» вә «пәләстингә әркинлик!» дәп йезилған лозинкиларни көтүрүшкән намайишчиларниң йәрмәнкә мәйданиға беришиға сақчилар йол қоймиғанлиқи сәвәбидин малиманлчилиқ йүз бәрди.
сақчилар калтәк билән намайишчиларға һуҗум қилғандин кейин, намайишчиларму етилғақ вә ис-түтәк бомбиси етип җавап қайтурди.
вәқә җәрйанида тәхминән 10 ға йеқин сақчи йарилади. бәш намайишчи қолға елинди вә улар һәққидә җинайи ишлар әрзи сунулди.
сақчилар йуқири бесимлиқ су ишлитип намайишчиларни тарқақлаштурди.
