amérika bilen engliye yemen sheherlirini bombardiman qildi

türkiye awazi radiyosi xewiri: amérika bilen engliyening urush ayropilanliri yemenning sada, zimmar, hudeyde, taiz we beyda sheherlirini bombardiman qildi.

amérika bilen engliyening yemen sheherlirini hawadin bombardiman qilishqa munasiwetlik héchqandaq melumat élan qilinmidi.

yemendiki husiylar eden boghuzidiki amérikaning «Ginco Picardie» paraxotigha bir qatar bashqurulidighan bomba hujumi qilghanliqini  élan qilghan idi.

husiylargha qarashliq yemen armiyesining bu heqte élan qilghan bayanatida, «yemenning özini qanunluq qoghdash hoquqi dairiside, pelestin xelqini qollashni dawamlashturimiz, ereb déngizi we qizil déngiziki barliq xeterlerning menbelirini hujum nishani qilishtin chékinmeymiz» déyildi.

husiylarning bayanatida yene, «amérika we engliyening hujumlirigha bérilidighan jawabtin qéchip qutulghili bolmaydighanliqi, yéngi hujumlarningmu jawabsiz we jazasiz qalmaydighanliqi» qeyt qilinghan idi.

amérika hökümiti yemende «husiylar» dep atilidighan ensarullah herikitini, qizil déngizdiki hujumliri sewebidin qaytidin «chet el térrorluq teshkilatliri» tizimlikige kirgüzdi.

yemende iranning qollishi astidiki husiylar 31-öktebirdin tartip isirailiyening ghezzediki hujumlirigha jawab qayturushni seweb qilip, yemen déngiz tewelikide isirailiye shirketlirige chétishliqi barliqini ilgiri sürgen soda paraxotlirini musadire qilishni, bezilirige uchqu we bashqurulidighan bombilar bilen hujum qilishni bashlighan idi.

amérika herbiy qisimliri nurghun qétim yemendin étilghan bashqurulidighan bomba we uchqularning étip chüshürülgenlikini élan qilghan idi.

dunyadiki nurghun xelqaraliq déngiz tiransiport shirketliri husiylarning hujumliri sewebidin qizil déngizdiki paraxot qatnishini bikar qildi.

dunya sodisining texmine %12 i aqdéngizni qizil déngizgha tutashturup, yawropa bilen asiya otturisidiki musapini qisqartidighan süweyish qanili arqiliq emelge ashidu.