xérzi xaléwi: liwan chégrasida jeng yüz bérish éhtimalliqi ilgirikidin yuqiri
israiliye armiyesi bash ishtab bashliqi xérzi xaléwi liwan chégrasida jeng yüz bérish éhtimalliqining «ilgirikidin yuqiri» ikenlikini éytti.
türkiye awazi radiyosi xewiri: israiliye armiyesi yazma bayanat élan qilip, armiye bash ishtab bashliqi xaléwining israiliye armiyesining liwangha hujum qilish sénariyesini chöridep élip barghan herbiy manéwirida söz qilip: «men shimaldiki urushning qachan yüz béridighanliqini bilmeymen, emma silerge shuni éytalaymenki, kelgüsi bir nechche ay ichide yüz bérish éhtimalliqi ilgirikige qarighanda xélila yuqiri» dégenlikini uqturdi.
bayanatta körsitilishiche, israiliye armiyesining liwanda jeng qilishqa teyyarliq qilish salmiqini ashurghanliqini bildürgen xaléwi, armiyening ghezzediki toqunushtin nurghun sawaq alghanliqini otturigha qoyghan.
u armiyening liwanda nahayiti éniq bir nishanni emelge ashurushni xalaydighanliqini we buning israiliyening shimalida yashaydighanlarni yurtigha qayturush ikenlikini eskertken.
israiliye bash ministiri bényamin nétanyahu 8-yanwar shimaliy chégradiki bir herbiy qisimni ziyaret qilghanda, özlirining liwan chégrasining bixeterlikige kapaletlik qilish we sergerdan israiliyeliklerning yurtigha qaytishini qolgha keltürüsh üchün, «hizbullah bilen urush qilishni öz ichige alghan her qandaq ishqa teyyar» ikenliklirini éytqanidi.
israiliye armiyesi bilen hizbullah otturisida 8-öktebirdin buyan pat-patla toqunush yüz bérip kéliwatqan bolup, toqunushlarda hazirghiche 29 liwan puqrasi bilen 162 hizbullah ezasi we alte israiliye puqrasi bilen 10 israiliye eskiri öldi.
مۇناسىۋەتلىك خەۋەرلەر
afghanistan saqchiliri hujumgha uchridi
afghanistan bombiliq hujum qilish weqesi yüz bérip, üch saqchi qaza qildi, besh saqchi yarilandi.