israiliyening ghezzediki qirghinchiliqigha qarshi xelqaraning naraziliqi dawamlashmaqta

türkiye awazi radiyosi xewiri: awstriyening paytexti wyanada pelestinni qollash etriti quruldi. nurghunlighan aptomobil shopuri kanay chélip ghezzede yüz bergen qirghinchiliq terepke hemmining diqqitini tartti.

portugaliyening paytexti lisbonda bir yerge jem bolghan nechche yüzligen paaliyetchimu israiliyening ghezzege qilghan hujumigha qarshi pelestinni qollash namayishi ötküzüp, urush toxtitishni telep qildi.

pakistandimu onminglighan kishi pelestinni qollash namayishigha qatnashti. qollirida pelestin bayriqini kötürüshken namayishchilar israiliyening ghezzede élip bériliwatqan qirghinchiliqigha naraziliq bildürdi we hujumlarning derhal axirlishishini telep qildi.

iranning paytexti téhrandimu adwokatlar namayish teshkillidi. iranliq adwokatlar irqiy qirghinchiliq jinayiti bilen eyiblep xelqara sot mehkimiside israiliye üstidin sunulghan erzni qollap quwwetlidi.  

tunistimu yüzligen kishi pelestin bayriqini kötürüp, israiliyege qarshi shoarlarni towlidi.

kanadaning toronto shehiridimu pelestinni qollash namayishi ötküzüldi. yüzligen namayishchilar lozunka we pelestin bayriqi bilen sheher merkizige yürüsh qildi. yürüsh jeryanida «pelestinge erkinlik!», «ishghaliyet jinayettur!», «ghezzediki irqiy qirghinchiliqni toxtitinglar!» qatarliq shoarlarni towlidi.