süriyening deyrizor wilayitide, amérika bazisi hujumgha uchridi

türkiye awazi radiyosi xewiri: yerlik menbelerdin igilengen uchurlargha asaslanghanda, deyrizorda iranning qollishi astidiki guruppilar amérika armiyesi orunlashqan koniko tebiiy gaz zawutidiki herbiy bazigha rakétamiyotlar bilen hujum qilghan.

amérikaning hawa mudapie sistémisi rakétamiyotlardin ikkini nishangha yétip bérishtin burun pachaqlap tashlighan we bir rakétamiyot bazining etrapigha chüshken.

yene bir tereptin, amérika armiyesimu firat deryasining gherbiy qirghiqidiki hashsham yézisidiki iranning qollishi astidiki guruppilarning bazilirigha rakétamiyot bilen hujum qilip, jawab qayturghan.

haseke we deyrizorda amérika armiyesining baziliri yil béshidin buyan pat-pat rakétamiyot we kamikazé uchquchisiz ayropilanliri bilen hujumgha uchrap kelmekte.

firat deryasining sherqidiki deyrizor rayoni amérika qollawatqan bölgünchi térrorluq teshkilati p k k/y p g ning ishghaliyiti astida bolup, wilayet merkizi we bashqa yézilar bolsa, beshshar esed qisimliri bilen iran qollawatqan térrorluq  guruppilirining kontrolluqida turmaqta.