b d t xewpsizlik kéngishi amérika bilen engliyening yemenge qaratqan hujumini muzakire qildi
birleshken döletler teshkilati (b d t) xewpsizlik kéngishi rusiyening telipige binaen, engliye bilen amérika qoshma ishtatlirining yemenge qaratqan hujumlirini muzakire qildi.
türkiye awazi radiyosi xewiri: b d t ning ottura sherq, asiya we tinch okyan ishlirigha mesul muawin bash katipi muhemmed xalid xiyari yighinda söz qilip: «biz körüwatqan zorawanliqning yamrap kétishi yemen we rayonda intayin éghir siyasiy, bixeterlik, iqtisadiy we insaniy aqiwetlerni keltürüp chiqirishi mumkin» dédi.
rusiyening b d t diki daimiy wekili wassiliy nébénziya amérika bilen engliyening yemenge qaratqan hujumlirini b d t nizamnamisining 51-maddisidiki belgilime boyiche <yolluq qoghdinish> dep qarashqa bolmaydighanliqini bayan qilip: «yolluq qoghdinish hoquqidin déngiz sepiri erkinlikige kapaletlik qilish üchün paydilanghili bolmaydu» dédi.
engliyening qizil déngizdiki husiylarning hujumini köp qétim eyibligenlikini eskertken engliyening b d t diki daimiy wekili barbara wudward, husiylarning engliye paraxotlirighimu hujum qilghanliqigha isharet qilip: «biz tünügün kechte amérika bilen birlikte, tar dairilik zörür we muwazinetlik qedem tashliduq» dédi.
amérikaning b d t diki daimiy wekili linda tomas-girinfilidmu hujumlarning «muwazinetlik» ikenlikini ilgiri sürüp, «hujumlar barliq herbiy bolmighan wasitiler tügigendin kéyin élip bérildi» dégenlerni qeyt qildi.
israiliye ghezzege hujum qozghighandin buyan yemendiki husiylar qizil déngizdiki soda paraxotlirigha hujum qilishni kücheytken, amérika bilen engliye husiylargha tewe orunlargha hujum qilghanidi.
husiylar israiliyening ghezzege qaratqan hujumliridin intiqam alidighanliqini ilgiri sürüp, qizil déngizdiki soda paraxotlirigha hujum qilishni bashlighandin kéyin, nurghun déngiz tiransporti shirketliri qizil déngizdiki qatnashlirini toxtitishni qarar qilghanidi.
amérika husiylarning qizil déngizdiki soda paraxotlirigha qaratqan hujumlirigha taqabil turush üchün, «xelqara déngizda wezipe ötesh qisimliri» teshkillesh pikrini otturigha qoyup, «parawanliqni qoghdash herikiti» dégen namda bir köp döletlik ittipaqdash qisim teshkilligenlikini élan qilghanidi.
husiylarning hujumliriaq déngiz bilen qizil déngizni özara tutashturup, yer shari sodisining texminen% 12 i qilinidighan yawropa bilen asiya otturisidiki eng qisqa yol —süweyish qanilidin ötüshnixewpke ittirgen, soda paraxotliri uchrighan hujumlargha egiship, munasiwetlik shirketlerning arqa-arqidin chiqarghan qatnashni toxtitish qararliri, dunya iqtisadida yéngi bir «teminlesh zenjiri kirizisi»ning bashlinip kétish endishisini peyda qilghanidi.
