yaponiyediki yer tewreshte jénidin ayrilghanlarning sanida éshish körüldi
yaponiyening gherbige jaylashqan ishikawa ishtati we noto yérim arili qirghaqlirida yüz bergen yer tewreshte jénidin ayrilghanlarning sani 215 ke chiqti.
türkiye awazi radiyosi xewiri: ishikawa ishtatliq hökümiti bayanat élan qilip, yéngi yilning tunji künliride yüz bergen yer tewreshte jénidin ayrilghanlar sanining 215 ke chiqqanliqini bildürdi.
bayanatta, 4 ming 100 din artuq binaning buzghunchiliqqa uchrighanliqi, oxshimighan 22 rayonda 28 mingdin artuq kishining tarqaqlashturulghanliqi, ishtatta qatnishi toxtitilghan yollar sewebidin 3 mingdin artuq kishining yollarda qapsélip qalghanliqi qeyt qilindi.
bayanatta, yer tewreshte yarilanghan jemiy 567 kishining her qaysi doxturxanilarda dawaliniwatqanliqi, hazirghiche dériki élinalmighan 38 kishining iz-dérikini élish üchün tirishchanliqlarning körsitiliwatqanliqi qeyt qilindi.
yaponiye dölet mudapie weziri kixara minoru 6 ming 300 eskerning rayonda izdesh-qutquzush xizmetlirige qatnashqanliqini bildürdi.
yaponiye métérologiye idarisi 1-2-3- 4-yanwar künliri ishikawaning noto yérim arili we qirghaqlirida, töt baldin yette balghiche bolghan yer tewreshlerning yüz bergenlikini élan qilghan idi.
