moskwa gherbke yadro qorali ishlitish toghrisida tehdit saldi
rusiye xewpsizlik kéngishining muawin bashliqi dmitriy médwédéw gherb rusiyediki bashqurulidighan bomba qoyup bérish supilirigha bashqurulidighan bomba bilen hujum qilghan ehwalda, moskwaning yadro qorali bilen jawab qayturidighanliqini bildürdi.
türkiye awazi radiyosi xewiri: rusiye xewpsizlik kéngishining muawin bashliqi dmitriy médwédéw télégram adrésida bayanat élan qilip, gherbning ukrainagha rusiyediki bashqurulidighan bomba supilirini partlitishni meslihet qilghanliqigha naraziliq bildürdi.
u rusiyediki bashqurulidighan bomba supilirigha gherbte yasalghan bashqurulidighan bombilar bilen qilinidighan hujumlarni qobul qilmaydighanliqlirini eskertip: «bu némini bildüridu? buning peqet birla menisi bar, yadro qoraligha munasiwetlik rusiye dölet siyasiti asaslirining 19-maddisi boyiche qarimu qarshi kélish xetirige duch kélidu. bu xil hujum yadro qorali ishlitish üchün asas yaritidu» dédi.
u moskwaning rusiyening mewjutluqigha tehdit salidighan hujum yüz bergende yadro qorallirini ishliteleydighanliqini tekitlep: «bu özini qoghdash hoquqi emes, belki bizge hujum qilghan döletke qarshi yadro qorallirini ishlitishning biwasite we éniq asasi» dédi.
