ékwadorda 60 künlük jiddiy halet élan qilindi
ékwadorda«fito»(Fito) leqemlik qara guruh kattibéshi adolfo majiyas salazar bilen bir qanche mehbusning guayas shehiridiki türmidin qéchishi we arqidin saqchi aptomobillirining bomba hujumigha uchrishi sewebidin 9-yanwar 60künlük jiddiy halet élan qilindi.
türkiye awazi radiyosi xewiri: ékwador pirézidénti daniyél noboa qara guruhlargha qarshi élip bérilghan heriketler üstide toxtalghanda, «biz urush qiliwatimiz, bu térroristlargha teslim bolmaymiz» dédi.
ékwador pirézidénti daniyél noboa kanéla radiyosi (Radio Canela) ning ziyaritini qobul qilip, qara guruhlar bilen qetiy yeng ichide soda qilinmaydighanliqini we bu guruhlarning emdi qanunluq yoqitish nishanigha aylanghanliqini bildrüdi.
u qara guruhning 9-yanwar neq meydandin tarqitish bériwatqan bir téléwiziye qaniligha qilghan hujumi üstide toxtilip: «shuni yaxshi bilishliri kérekki, biz bashqa hökümetlerdin qattiq bolimiz» dédi.
u qara guruh görüge éliwalghan xewpsizlik xadimlirini qutquzush üchün barliq küchliri bilen tirishchanliq körsitiwatqanliqlirini bildürdi we sotchi, teptishlerge xitab qildi.
u mundaq dédi:
«qara guruh kattibashliri toghrisida ijabiy qarar bergen ehwalda ularmu <térrorist> qa oxshash muamile köridu» dédi.
ékwador armiyesi ishtab bashliqi jaimé wéla axbarat élan qilish yighinida, 329 qara guruh ezasining tutulghanliqini, besh ezasining étip öltürülgenlikini bildürdi.
u qara guruhqaqarshi élip bérilghan heriketlerde, ikki saqchining jénidin ayrilghanliqini, bir saqchining éghir yarilanghanliqini eskertip, isyan chiqqan besh türmide 139 türme xadimining görüde ikenlikini, 41 eskerning qutquzulghanliqini qeyt qildi.
u «fito» leqemlik qara guruh kattibéshini tutush üchün mexsus etret qurulghanliqini eskertti.
