ispaniye kosowoning pasportini étirap qildi

türkiye awazi radiyosi xewiri: bislimi kosowo puqraliri wizisiz sayahet qilalaydighan shengen rayoni döletliri (yawropa ittipaqigha eza döletler arisidiki erkin sayahet qilish kélishimige terep bolghan döletler) qatarigha ispaniyeningmu qétilghanliqini bayan qilip: «yawropa ittipaqi komissiyonining köchmenler we ichki ishlar bash idarisi ispaniyeningmu kosowo pasportini étirap qilghanliqini élan qildi. bashqiche éytqanda, biz buningdin kéyin wiza almastin bu döletni sayahet qilalaymiz» dédi we sözini dawamlashturup, yéqinda kosowo puqralirigha paydiliq bashqa xush xewerlernimu béridighanliqini sözlirige ilawe qildi.

kosowo puqraliri 1-yanwardin bashlap shengen rayonigha 180 kün ichide 90 kün wiza almastin baralaydu.

ispaniye, girétsiye, ruminiye, slowakiye we qibris rum dairiliri  2008-yili bir tereplime halda sérbiyedin musteqil bolghanliqini jakarlighan kosowoni étirap qilmaydu؛ emma, mekuzr döletlerning ispaniyedin bashqiliri kosowoning sayahet höjjetlirini étirap qilatti.