israiliye qisimliri kéchide qilghan hujumida az dégende 15 pelestinlikni öltürdi
israiliye qisimliri kéchide ghezze rayonining ottura qismi we jenubidiki sheherlerge élip barghan wehshiylerche hujumlirida kem dégende 15 pelestinlikning jénigha zamin boldi.
türkiye awazi radiyosi xewiri: pelestin xewer agéntliqi <WAFA> ning xewirige asaslanghanda, israiliye ayropilanliri ghezzening ottura qismidiki deyr el-belah we jenubtiki xan yunis shehirining sherqige jaylashqan el-manara mehelliside puqralar turushluq 2 öyge hujum qilghan.
hujumda az dégende 15 pelestinlik qaza qilip, nurghun kishi yarilanghan.
yene bir tereptin, deyr el belahtiki aqsa shéhitliri doxturxanisi menbeliri jüme küni etigendin yérim kéchigiche doxturxanigha 35 shéhit we 60 din artuq yaridar élip kélingenlkini bildürdi.
israiliyening 2023-yili 7- öktebirdin buyan ghezzege qilghan hujumlirida az dégende 9 ming 730 kichik bala we 6 ming 830 ayalni qoshqanda, jemiy 22 ming 600 pelestinlik wehshilerche öltürüldi. yene minglighan ölüklerning xarabilik astida ikenliki, xelq panahlanghan doxturxana we maarip orunliriningmu hujum nishani qilinip, puqralarning ul esliheliri weyran qiliniwatqanliqi melum.
israiliye qisimliri ishghaliyet astidiki gherbiy qirghaqta, nablus, beytlehem, sélit we quddustimu kéchide bésip kirish herikiti élip bardi. israiliye qisimliri pelestinliklerning öylirige buzghunchiliq qilip, kem dégende 3 yashni qolgha aldi.
