hamas b d t qatarliq organlarni pelestinliklerning sürgün qilinishining aldini élishqa chaqirdi

türkiye awazi radiyosi xewiri: hamas yazma bayanat élan qilip, israiliyening «sherqiy quddusta we 1948 – yili ishghal qiliwalghan jaylarda yashaydighan pelestinliklerni öy-makan we yurt – mehelliliridin mejburi sürgün qilish»ni mezmun qilghan irqchi qararini ijra qilishining aldini élishqa chaqirdi.

bu qedemning «pelestinliklerni öz zéminliridin mejburiy qoghlap chiqirish pilanining ijra qilinishi» ikenlikige isharet qilinghan bayanatta, alaqidar tereplerni israiliyening étnik tazilash élip bérish jinayiti sadir qilishining aldini élish we rehberlirining xelq, zémin we muqeddes jaylargha qarshi sadir qiliwatqan jinayi qilmishlirining jawabkarliqini sürüshtürüsh üchün, tedbirlerni yolgha qoyushqa chaqirdi.

israiliye armiyesi radiyosining xewiride, tél awiw hökümitining féwral éyida chiqirilghan puqraliq qanunigha tüzitish kirgüzülgendin kéyin, israiliye puqrasi yüzlerche ereb bilen sherqiy quddusta «menggülük turush» salahiyitige ige yüzligen pelestinliklerni iyordan deryasining gherbiy qirghiqigha sürgün qilishqa teyyarliq qiliwatqanliqi ilgiri sürülgenidi.