putin irangha teziye bildürdi

türkiye awazi radiyosi xewiri: rusiye pirézidéntliq mehkimisi — kirémil bayanat élan qilip, pirézidént wiladimir putinning iran rehbiri eli xameniy we iran pirézidénti ibrahim reisige télégramma yollap, kérmandiki térrorluq hujumining échinishliq aqiwitidin xewer tépip qattiq qayghurghanliqini bildürüp, hal sorighanliqini uqturdi.

bayanatta körsitilishiche, qebristanliqni ziyaret qiliwatqan puqralarni öltürüshning éghirliq we rehimsizlikidin endikip ketkenlikini bildürgen putin: «biz térrorluqning barliq shekilliri we ipadilirini qetiy eyibleymiz. biz bu xil rezillikke qarshi muressesiz küresh qilidighanliqimiz toghrisidiki wedimizni yene bir qétim tekitleymiz» dégen.

iranning kérman ölkiside iran inqilab muhapizetchiliri armiyesi quruqluq qisimlirining sabiq qomandani qasim sulaymanining qebrisige yéqin jayda tünügün yüz bergen ikki ayrim térrorluq hujumida 95 adem hayatidin ayrilghanidi.