hamasning ikkinchi chong rehbiri salih el aruri shéhit qilindi

türkiye awazi radiyosi xewiri: israiliye armiyesi radiosining ismini ashkarilashni xalimighan «chetel menbeliri» ni asas qilghan xewiride bildürülishiche, béyruttiki hujumda hamas siyasiy béyrusi muawin bashliqi salih el aruri shéhit bolghan.

liwanning resmiy xewer agéntliqi «NNA» mu hamas ishxanisi we binaning aldida toxtitilghan aptomobillarning 2 bashqurulidighan bomba bilen hujumgha uchrighanliqini, aruri bilen birlikte 6 kishining qaza qilghanliqini we 11 kishining yarilanghanliqini élan qildi.

xewerde, hujumdin kéyin israiliyege tewe herbiy ayropilanlarning paytext béyrut we jenubiki sur shehirining asminida uchqanliqi eskertildi.

salih el aruri shéhit qilinghandin kéyin, liwandiki hizbullah israiliyege bir qatar hujumlarni élip barghanliqini élan qildi.

hizbullahning bayanatida, israiliyening jal el alem herbiy nuqtisigha qarita liwanning jenubidin bashqurulidighan bomba hujum qilinghanliqi, marj we mitat herbiy nuqtiliriningmu muwapiq qorallar bilen hujum nishani qilinghanliqi bildürüldi.

salih el aruri kim?

hamas siyasiy béyrosining muawin reisi salih el aruri 1966-yili 19-awghustta ramallahta dunya kelgen. izddin din elqassam birigadisining qurulushigha töhpe qoshqan. 15 yil israiliye türmiliride yatqandin kéyin, chégradin qoghlap chiqirilip, liwanda yashashqa bashlighan.