pelestinlik kichik qiz: «biz yéngi yilgha <ölümler we yarlinishlar> bilen kiriwatimiz»
israiliyening 7 – öktebirdin béri ghezze rayonida dawamlashturiwatqan wehshilerche hujumliri sewebidin, pelestinlik kichik qiz yéngi yilgha «ölümler we yarlinishlar» bilen kiriwatqanliqidin qayghurghanliqini bildürdi.
türkiye awazi radiyosi xewiri: ijtimaiy taratqularda hembehirlengen sinda, kichik pelestinlik qiz ghezzedin dunyagha xitab qilip: «yéngi yilinglargha mubarek bolsun, pütün dunya yéngi yilni tebriklewatidu» dégen jümle bilen sözini bashlidi.
«biz yéngi yilni ölümler, yarlinishlar we bombardimanlar bilen tebriklewatimiz» dégen pelestinlik qiz ghezzening xan yunus rayonida weziyetining intayin nacharliship ketkenlikini éytti.
pelestinlik qiz özlirige yéqin bir öyning sella ilgiri bombardiman qilinghanliqini tekitlep, yéngi yilda urushning baldurraq axirlishishini ümid qilidighanliqini bildürdi.
hamasning qoralliq qaniti izzin elqasim birigadisi7-öktebirde israiliyening pelestinliklerning heq - hoquqini we mesjidi eqsani öz ichige alghan muqeddes qimmetlirini izchil halda ayagh asti qiliwatqanliqigha naraziliq bildürüsh üchün, «eqsa topani» namliq keng kölemlik hujum qozghighanliqini jakarlighan. israiliye qisimlirimu urush ayropilanlirini ishlitip ghezzeni wehshilerche bombardiman qilishni bashlighan idi.
israiliye 7-öktebirdiki hujumda 1200 israiliyelikning ölgenlikini we 5132 israiliyelikning yarilanghanliqini élan qilghan idi.
israiliyening ghezze rayonigha qilghan hujumlirida kem dégende 9100 kichik bala we 6500 ayalni qoshqanda 21 ming 800 din artuq pelestin puqrasi öltürüldi. 56 ming 400 din artuq pelestinlik yarilandi. yene minglighan qaza qilghanlarning bina xarabilikliri astida ikenliki bildürülmekte.
israiliye pelestin xelqi panahlanghan doxturxana we maarip organlirinimu hujum nishani qilip, puqralarning ul eslihelirini weyran qilishni dawamlashturmaqta.
مۇناسىۋەتلىك خەۋەرلەر
