firansiye parlamént ezasi: irqiy qirghinchiliq qiliwatqan israiliyege émbargo yürgüzüsh lazim
firansiyede boyun egmes fransiye partiyesi (LFI) ning parlamént ezasi tomas portés israiliye emeldarlirining ghezzede «irqiy qirghinchiliq» qilghanliqini tekitlep, firansiye hökümitidin israiliyege derhal émbargo yürgüzüshni telep qildi.
türkiye awazi radiyosi xewiri: portés ijtimaiy alaqe supisi X da élan qilghan bayanatida, israiliye bash ministiri bényamin nétanyahuning «men nishanimizgha yétishtin burun urushning toxtitilishini telep qiliwatqan xelqara bésimgha bash égishni ret qildim» dégen bayanatining xewirini neqil keltürüp, «pelestinge bolghan nepritke xumar bolup qalghan bu ashqun ongchi, radikal (nitaniyahu) choqum bashqilargha ziyan yetküzelmeydighan halgha keltürülishi lazim» dédi.
portés fransiyening derhal israiliyege qarshi émbargo yürgüzüsh resmiyetlirini bashlishi kéreklikini tekitlidi.
boyun egmes firansiye partiyesi (LFI) ning parlamént ezasi portés israiliyening firansiyede turushluq bash elchisi barliqini tenqidlep: «bu kishiler (israiliye emeldarliri) irqiy qirghinchiliq qiliwatidu, biz buninggha ün-tinsiz qarap olturalmaymiz» dédi.