israiliye ghezzede yene bir zhurnalistni öltürdi

türkiye awazi radiyosi xewiri: ghezzediki hökümetning axbarat ishxanisi bayanat élan qilip, israiliye armiyesining ghezzening ottura qismidiki ennuseyrat musapirlar lagérigha qilghan hujumida, yene bir zhurnalistning qaza qilghanliqini uqturdi.

bayanatta, «elquds» qanili muxbiri jebr ebu hedrusning qaza qilghanliqi, shundaq qilip, 7-öktebirdin buyan ghezzede hayatidin ayrilghan muxbirlar sanining 106 ke yetkenliki qeyt qilindi.

mezkur ishxanining burunqi bayanatida, israiliyening ghezzede zhurnalsitlarni «pelestinning nidalirini jimiqturush, pakitlarni yoshurush, xewer we uchurlarning rayon we xelqara ammining quliqigha yétip qélishining aldini élish üchün» qesten öltürüwatqanliqi otturigha qoyulghanidi.