antoniyo gutérrés: «biz buningdin kéyinki yuqumgha teyyar emesmiz»
birleshken döletler teshkilati bash katipi antoniyo gutérrés 19-kowid yuqumidin kéreklik sawaqlarni élish kéreklikini eskertip, «biz buningdin kéyinki yuqumgha teyyar emesmiz» dédi.
türkiye awazi radiyosi xewiri: b d t bash katipi gutérrés: «xelqara yuqumgha teyyarliq küni» munasiwiti bilen yazma bayanat élan qildi.
gutérrés 19-kowid gha emdilikte xelqara sehiye saheside ilgirikidek estayidil muamile qilinmaywatqanliqini, emma 19-kowid ning buzghunchiliq tesirining hazirmu dawamlishiwatqanliqini tekitlep, yuqumning iqtisadiy tesiriningmu dawamlishiwatqanliqini éytti.
gutérrés nurghunlighan sehiye sistémisining éghir xirislargha qarshi küresh qilghanliqini we tereqqiy qiliwatqan döletlerde milyonlighan kishilerning téxiche waksinagha érishelmeywatqanliqini bildürdi.
gutérrés: «kéyin yene yuqum körülgende biz choqum téximu yaxshisini qilalishimiz lazim. emma, biz buningdin kéynki yuqumgha teyyar emesmiz» dédi we 19-kowid yuqumidin kéreklik sawaqlarni élish we shuninggha asasen heriket qilish kéreklikini tekitlidi.
gutérrés dunyadiki wiruslarni kontrolluq astida tutush, sehiye sistémisini kücheytish we xelqaraliq saghlamliq kapalitini berpa qilish üchün özara hemkarlishish kéreklikini bildürüp, bay döletlerning imkanliri bilen dawalashni kontrol qilishni emelge ashurush we perwasizlarche kütüsh xahishidin waz kéchish kéreklikini tekitlidi.
b d t omumiy kéngishi 2020 - yili 27 - dékabirda 19-kowid yuqumidin kéreklik sawaqlarni élish we kelgüside otturigha chiqidighan yuqumlargha teyyarliq qilish toghrisida qarar maqullighan idi.
bu qarargha asasen 27 - dékabir «xelqara yuqumgha teyyarliq qilish küni» dep élan qilinghan idi.
