niyu york waqti géziti süniy eqil shirketliri üstidin sotqa erz sundi
«niyu york waqti géziti» OpenAI we mikrosoft üstidin süniy eqilning axbarat sahesige séliwatqan tehditige qarshi menxaton fédératsiye sot mehkimisige erz sundi.
türkiye awazi radiyosi xewiri: «niyu york waqti géziti» tünügün sot mehkimisige sunghan bu erzi arqiliq mezkur ikki yumtal shirkitining gézitning xewerlirini oqushigha xatime bérishni közlimekte.
gézit, bu shirketlerning muxbirlarning milyardlarche dollar meblegh sélish netijiside royapqa chiqqan emgek méwilirini oghrilighanliqini, buningdin bashqa OpenAI shirkiti tereqqiy qildurghan ChatGPT süniy eqil modélining, istémalchilirigha «niyu york waqti géziti» ning xewerlirini eynen teqdim qiliwatqanliqini otturigha qoydi.
bu erz gézit bilen mezkur ikki shirketning aprél (2023) da bashlanghan söhbetlirining ünümsiz axirlishishidin kéyin sunuldi.
nurghun axbarat – taratqu organliri matériyallirini reqemlik muhitqa yötkigen bolsimu, süniy eqilning téz tereqqiy qilishi neshriyatchiliqni qalaymiqanlashturuwétish yoshurun küchige ige.
abontlarning axbarat – taratqu organlirining tor béketliridiki paaliyetliri «niyu york waqti géziti» qatarliq gézitlerning élan kirimining muhim bir qismini teshkil qiliip kéliwatqan bolsimu, süniy eqil söhbet supilirining abontlirini oxshash mezmunlar bilen teminlishi,oqurmenlerni xewerning esli menbesidin yiraqlashturmaqta.
