gollandiyede ösmürler pelestinni qollash yürüshi élip bardi
gollandiyening memuriy paytexti lahéyde kichik balilar we ularning aile-tawabiatliri pelestinni qollap, ghezzede sadir qilinghan jinayetlerning tekshürülüshini telep qilip, xelqara jinayi ishlar sot mehkimisi binasighiche yürüsh qildi.
2081684
türkiye awazi radiyosi xewiri: lahéy poyiz istansisigha yighilghan namayishchilar «balilar yürüshi» dep nam bérilgen paaliyette, «xelqara jinayi ishlar sot mehkimisi wezipengni ada qil!» , «pelestinge erkinlik!», «deryadin déngizghiche pelestinge erkinlik!» we «emdi urush toxtitilishi kérek!» dégen shoarlarni towlidi.
namayishchilar qollirida «öltürülgen 9 ming pelestinlik ösmür üchün adalet telep qilimiz!», «pelestinge erkinlik!», «balilarni öltürüshni toxtitinglar!», «irqiy qirghinchiliqni toxtitinglar!», «pelestinlik balilarni qoghdanglar!» dep yézilghan lozunka we pelestin bayriqini kötürüp yürüsh qildi.
