israiliye shéhit qilinghan 80 neper pelestinlikning jesitini qayturup berdi
israiliye qisimlirining ghezzediki quruqluq hujumida öltürülgen we jesetliri tutup qilinghan 80 neper pelestinlikning jesiti qayturup bérildi.
türkiye awazi radiyosi xewiri: ghezzediki sehiye ministirliqi emeldarliri isirailiyening hujumlirida jénidin ayrilghan kishilerning jesetlirini ghezze rayonining sherqiy jenubidiki kerm ebu salim chégra éghizidin tapshuruwaldi.
ghezzediki wexpe ishliri ministirliqi 80 jesetni qebristanliqqa depne qilish wezipisini öz üstige aldi.
ghezzediki ebu yüsüp el nejjar doxturxanisining mudiri merwan el hams birleshken döletler teshkilatining 80 jesetning ghezzege ewetilidighanliqi heqqide özlirige melumat bérilgenlikini bildürgen idi.
merwan el hams: «nechche onlighan shéhitning jesiti bir konténérgha qachilanghan halda keldi. jesetlerning beziliri toluq, yene bezilirining peqet put-qollirila bar idi. bezi jesetler chirip ketken ehwalda idi» dédi.
hamasning herbiy qaniti qassam birigadiliri 7-öktebir (2023) de israiliyege qarshi «eqsa topani» namliq keng kölemlik hujum qozghighanliqini élan qilghan we buninggha qarita israiliye qisimliri urush ayropilanliri bilen ghezze rayonini wehshiylerche bombardiman qilip, «tömür qilich herikiti» ni bashlighanliqini jakarlighan idi.
künséri küchiyiwatqan toqunushlarda 20 ming 900 din artuq pelestinlik öltürüldi.
