shi: teywenning xitay bilen birlishishi muqerer yüzlinish
xitay dölet reisi shi jinping teywenning xitay bilen birlishishining «muqerer yüzlinish» ikenlikini qeyt qildi.
türkiye awazi radiyosi xewiri: shi jinping mazédung tughulghanliqining 130-yilliqini xatirilesh munasiwiti bilen xelq chong sariyida ötküzülgen yighilishta söz qilip, teywen mesilisi üstide toxtaldi.
u xitayning qaytidin birlishishini «muqerer yüzlinish», «xitayning heqqaniy dewasi» we «xitay xelqning arzusi» dep atap: «ana wetinimiz qaytidin birlishishi kérek, elwette qaytidin birlishidu» dédi.
u teywenni xitaydin ayrimaqchi bolghanlarni «qaysi shekilde bolushidin qetiynezer tosidighanliqliri» ni bildürdi.
shi jnpingning teywende 2024-yilining béshida ötküzülidighan pirézidéntliq saylimidin ilgiri bu sözlerni qilishi alahide diqqet qozghidi.
béyjing teywende hakimiyet béshidiki démokratik ilgirilesh partiyesi(DPP) ning pirézidént namzati we hazirqi muawin pirézidént ley chingténi «musteqilliq terepdari» we «bölgünchi» süpitide köridu.
démokratik ilgirilesh partiyesi saylamda ghelibe qilghan ehwalda teywen bilen xitay otturisidiki ixtilapning téximu ulghiyidighanliqi texmin qilinidu.
xitayda ikkinchi dunya urushidin kéyin, jyang jéyshi rehberlikidiki xitay milletchi partiyesi (gomindang) bilen mawzédung rehberlikidiki xitay kompartiyesi küchliri arisida chiqqan ichki urushta ghelibe qilghan kommunistlar, 1949-yili 1-öktebir xitay xelq jumhuriyitining qurulghanliqini jakarlighan idi.
ichki urushta meghlub bolghan milletchi xitaylar 1912-yili qurulghan «xitay jumhuriyiti» ning hakimiyet apparatlirini teywenge yötkigen idi.
xitay xelq jumhuriyiti özining bir parchisi ikenlikini ilgiri süridighan teywen, 1949-yildin béri emeliyette musteqil bolup kelmekte.
béyjing teywenning chong quruqluq bilen qaytidin birlishishi üchün zörür tépilghanda küch ishlitishtin yanmaydighanliqini bazargha sélip kelmekte.
مۇناسىۋەتلىك خەۋەرلەر
