yaponiye déngiz-okyan shirketliri xusiylarning hujumliri sewebidin qatnash liniyesini özgertti
yaponiye déngiz-okyan shirketliri yemendiki iran qollawatqan shie xusiylarning qizil déngizdin ötken soda paraxotlirigha yéqindin buyan hujum qilishni bashlishidin kéyin, qatnash liniyesini özgertti.
türkiye awazi radiyosi xewiri: yemendiki xusiylarning hujumliri aq déngizni qizil déngizgha tutashturidighan we yer shari sodisining %12 ini emelge ashuruwatqan suweyish qanilidin paraxotlarning ötüshige éghir xewp yaratmaqta.
yaponiye döletlik radiyo- téléwéziye idarisi «NHK» ning xewer qilishiche, «nippon yusén» we «mitsuy OSK liniyesi» shirketliri yawropagha baridighan tiransiport paraxotlirining yolini özgertken.
xewerde, bu liniye özgirishining «xusiylarning israiliyege chétishliq tiransportlarni hujum nishani qilish éhtimalliqi» sewebidin élip bérilghanliqi we paraxotlarning jenubiy afriqadiki ümid tomshuqi terepke yüzlendürülgenliki bildürüldi.
döletlik taratqularda kawasaki kisén keysha (K linyesi) we okyan tori téz yollanma shirketliriningmu xusiylarning hujumliri sewebidin tiransport liniyesini özgertkenliki xewer qilindi.
yéngi linyelerning mal yetküzüshte kéchikishlerni we qatnash tennerxiningmu ösüp kétishini keltürüp chiqirishi, dunya iqtisadida «teminlesh zenjiri krizisi» gha seweb bolidighanliqi heqqidiki endishiler kücheymekte.
