хәвпсизлик кеңиши уруш тохтитиш тәклипини авазға қойушни йәнә кечиктүрди
б д т хәвпсизлик кеңиши ғәззәдә уруш тохтитиш тәклип лайиһәсини йәнә авазға қойалмиди.
түркийә авази радийоси хәвири: б д т хәвпсизлик кеңиши ғәззәдә исираилийәниң һуҗумларни вақитлиқ тохтитиши йаки тохтитиши тәклип қилинған лайиһәни авазға қойушни төтинчи қетим кечиктүрди.
хәвпсизлик кеңишидики ихтилап, «уруш тохтитиш вә инсанпәрвәрлик нуқтисидин вақитлиқ уруш тохтитиш» дегән сөзләрниң қайсисини қоллиниш билән йардәмләрни кимниң назарәт қилиниши мәсилисигә мәркәзләшти.
хәвпсизлик кеңишидә тәййарланған лайиһәдә, ғәззәгә инсанпәрвәрлик йардәмләрниң қуруқлуқтинла әмәс, бәлки деңиз вә һава йоллиридинму йәткүзүлүши тәклип қилиниду.
лайиһә, инсанпәрвәрлик йардәмлириниң исираилийә тәрипидин әмәс, б д т баш катипи тәсис қилидиған механизм тәрипидин назарәт қилинишини өз ичигә алиду.
ғәззәгә йәткүзүлүватқан инсанпәрвәрлик йардәмлири исираилийә тәрипидин назарәт қилинмақта иди.
исираилийә инсанпәрвәрлик йардәмлирини б д т ниң назарәт қилишиға қарши чиқип, америкаға бесим қилмақта. бу сәвәбтин, вашингтон исираилийәни чәткә қаққан тәклип лайиһәсини рәт қилидиғанлиқи үчүн учришишларниң қатмаллиққа петип қалғанлиқи учури тарқалди.
