chéxiye uniwérstétida qanliq weqe yüz berdi

türkiye awazi radiyosi xewiri: chéxiye pirézidénti éks (X) adrésida uchur hembehrlep, karls uniwérstétida yüz bergen hujumdin chongqur endishe hés qilghanliqini bildürüp, hujumda jénidin ayrilghanlarning yéqin-yoruqlirigha sewr, yarilanghanlargha shipaliq tilidi.

bash ministir pétr fiyala chéxiye xelqige xitab qilip élan qilghan nutuqida, hujumning bir tiragédiye peyda qilghanliqini we hemme kishini chongqur qayghugha salghanliqini bildürdi.

u: «bu qorqunchliq heriketning héchqandaq toghra teripi yoq. hemminglargha oxshash menmu kishini seskendüridighan bu zorawanliqtin chongqur qayghurdum we qattiq nepretlendim» dédi.

u hujumda jénidin ayrilghanlarning yéqin-yoruqlirigha sewr, yarilanghanlarning tézdin shipaliq tépishigha tilekdashliq bildürdi.

chéxiye paytexti piragagha jaylashqan karls uniwérstétining pelsepe fakultétida tünügün (21-dékabir) yüz bergen qoralliq hujumda eng az dégende 15 kishi jénidin ayrilip, 24 kishi yarilanghan idi.