nétanyahu: toxtishimizni oylighanlarning emeliyet bilen alaqisi yoq
isirailye bash ministiri nétanyahu ghezzede 75 kündin buyan dawam qiliwatqan hujum we qetliamlarning «axirighiche dawamlishidighanliqini» bildürüp: «toxtishimizni oylighanlarning emeliyet bilen héchqandaq alaqisi yoq» dédi.
türkiye awazi radiyosi xewiri: isirailye bash ministiri nétanyahu isirailiye armiyesining ghezzediki hujumliri toghrisida axbarat élan qilish yighini ötküzdi.
u: «urushni axirighiche dawamlashturimiz, hamas yoqitilghiche, ghelibe qolgha keleiche dawamlishidu. toxtishimizni oylighanlarning emeliyet bilen héchqandaq alaqisi yoq. hamasning yoqitilishi, esirlirimizning qoyup bérilishi we ghezze tehditining tügishi üchün begiligen barliq nishanlirimizgha yetkiche kürishimizni toxtatmaymiz» dédi.
u isirailiye armiyesining ghezzede puqralarni nishan qilghan qirghinchiliqlarni aqlap: «hamasqa dozaxning oti bilen hujum qiliwatimiz. peqet ikkila yoli bar: ya teslim bolush yaki ölüsh» dédi.
hamasning herbiy qaniti qassam birigadiliri 7 - öktebir (2023) de israiliyege qarshi «eqsa topani» namliq keng kölemlik hujum qozghighanliqini élan qilghan we buninggha qarita israiliye qisimliri urush ayropilanliri bilen ghezze rayonini wehshilerche bombardiman qilip, «tömür qilich herikiti» ni bashlighanliqini jakarlighan idi.
künséri küchiyiwatqan urush sewebidin 20 mingdin artuq pelestinlik puqra jénidin ayrildi.
مۇناسىۋەتلىك خەۋەرلەر
