ghezze teklip-layihesini awazgha qoyush yene kéchiktürüldi

türkiye awazi radiyosi xewiri: b d t xewpsizlik kéngishi ghezze qarar teklip-layihesini awazgha qoyushni, eza döletler kélishelmigenliki üchün ikkinchi qétim yene kéchiktürdi.

bildürülishiche, amérika ereb birleshme xelipiliki teripidin teyyarlanghan ghezze teklip-layihesini qobul qilmighanliqi üchün, layiheni qollighan döletler layihening yene bir qétim ret qilinmasliqi üchün muzakirelerni dawamlashturushni qarar qilghan.

ikkinchi qétim ret qilinghan teklip-layihesining bügün (2023-yili 20-dékabir)  awazgha qoyulushi perez qilinmaqta.

qarar teklip-layiheside, ghezzede insanperwerlik yardemlerning tosalghusiz we bixeter yetküzülüshi üchün urushni derhal waqitliq toxtitish telep qilinidu.

amérika ilgirimu 16-18- we 25-öktebirde b d t xewpsizlik kéngishide ghezzege munasiwetlik qarar teklip-layihelirini ret qilghan idi.

hamasning herbiy qaniti bolghan qessam birigadiliri 7-öktebir (2023) shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

ghezzediki hökümet, israiliyening 7-öktebirdin bashlap qorshawi astidiki ghezze rayonida dawamlashturuwatqan hujumliri dawamida, hayatidin ayrilghan, köpinchisi ayallar we balilardin teshkil tapqan pelestinlikler sanining 19 ming 667 ge yetkenlikini uqturghanidi.

xarabilikler astida minglarche jesetning barliqi texmin qilinmaqta.