amérika isirailiye saqchilirini jawabkarliqqa tartishni telep qildi
amérika tashqi ishlar ministirliqining bayanatchisi sherqiy quddusta anadolu agéntliqining fotograf muxbiri mustapa harufqa hujum qilghan isirailiye saqchilirining tekshürülüshi kéreklikini éytti.
türkiye awazi radiyosi xewiri: bayanatta, amérika tashqi ishlar ministirliqi bayanatchisi matéw millér (Matthew Miller) kündilik axbarat élan qilish yighinida, isirailiye saqchilirining muxbirlargha hujum qilishi toghrisidiki soalgha jawab berdi.
u anadolu agéntliqining fotograf muxbiri mustapa harufning sherqiy quddusta isirailiye saqchilirining hujumigha uchrighanliqigha munasiwetlik widéo üstide toxtilip: «bu weqege munasiwetlik widéoni kördüm. bir muxbirgha zorluq küch ishlitish seweblik kishini biaram qilidighan körünüshlerdin endishe hés qildim. widéoni tekshürgendin kéyin, munasiwetlik kishilerni jawabkarliqqa tartishni toghra dep oylaymen» dédi.
isirailiye eskerliri anadolu agéntliqining fotograf muxbiri mustapa haruf wezipe ötewatqanda urghan idi. shiddetlik tayaq zerbisi sewebidin bedinining oxshimghan jayliri yarilanghan mustapa haruf, qutquzush mashinisi bilen sherqiy quddustiki makasid doxturxanisigha apirilghan idi.
isirailiye saqchiliri mustapa harufning yénidiki kamérachi faiz ebunimu urghan idi.
مۇناسىۋەتلىك خەۋەرلەر
