putin bélarusiye, moldawiye we qazaqistan puqralirining rusiye puqraliqigha ötüshni qolaylashturdi
rusiye pirézidénti wiladimir putin bélarusiye, moldawiye we qazaqistan puqralirining rusiye pasportigha érishishige qolayliq yaritishni mezmun qilghan qararnameni imzalidi.
türkiye awazi radiyosi xewiri: rusiye pirézidénti wiladimir putin teripidin imzalanghan qararnamening rohigha asasen, bélarusiye, moldawiye we qazaqistan puqraliri olturaqlishish ijazetnamesi alghandin kéyin rusiyede besh yil turush, rusiye tarixi we döletning asasi dégendek témilar boyiche imtihan bermeydiken.
buningdin bashqa, bélarusiye puqralirining rusche bilidighanliqini ispatlash mejburiyiti emeldin qaldurulghan bolsimu, qazaqistan we moldawiye puqraliri üchün yenila küchke ige iken.
putin rusiyening qanunigha riaye qilghan asasta olturaqlishishni xalaydighan chet elliklerning puqraliqqa qolayliq yaritip bérilidighanliqini éytqanidi.
rusiye hökümiti ukrainada urush bashlanghandin kéyin, bir qanche qétim puqraliq qanunigha özgertish kirgüzdi. etiyazda putin rusiye herbiy mulazimet toxtamigha imza qoyghanlarning pasport élishining asanlashturulidighanliqini élan qilghanidi.
yene bir tereptin, rusiye pasportini emeldin qaldurushmu asanlashturuldi. mesilen, kéyin élinghan rusiye puqraliqi rusiye armiyesining inawitige tehdit sélish yaki armiye heqqide «saxta» xewerlerni tarqitish we yaki namuwapiq teshkilatlargha ezasi bolush dégendek sewebler tüpeyli bikar qilinidu.
