b d t birma üchün 2024-yilliq heriket pilanini élan qildi
birleshken döletler teshkilati birmada herbiy özgirish yüz bérip aridin üch yil ötkendin kéyinki insanperwerlik weziyitining zor derijide nacharlashqanliqi terepke hemmining diqqitini tartti.
türkiye awazi radiyosi xewiri: b d t birma üchün «2024-yildiki insanperwerlik éhtiyaji we heriket pilani» ni élan qildi.
bayanatta, birmada 18 milyon 600 ming kishining insanperwerlik yardimige mohtaj ikenliki, buning omumiy xelqning üchtin birige toghra kélidighanliqi uqturuldi.
bayanatta, kirizisning éghir yükini kichik balilarning kötürüwatqanliqi we 6 milyon kichik balining yardemge mohtaj ikenliki tekitlendi.
bayanatta, iqtisadiy weziyetning aililerge éghir iqtisadiy yük peyda qilghanliqi, déhqanchiliqning qalaymiqanlishishi we pul paxalliqining yuqiri bolushi sewebidin kishilerning yémek-ichmekke érishish mesiliside éghir mesililerning körülüwatqanliqi, bu sewebtin acharchiliq xewipining ashqanliqi otturigha qoyuldi.
birmadiki insanperwerlik weziyitining künséri nacharlishiwatqanliqi eskertilgen bayanatta yene, «ayallar, qizlar, méyiplar we rohingaliqlar bu xeterlik muhitning eng éghir tesirige uchrawatqanlar hésablinidu» déyildi.
bayanatta, éhtiyajning éshishigha qarita jiddiy qutquzush üchün 994 milyon dollarning lazimliqi we birinchi basquchta jiddiy éhtiyajliq 5 milyon 300 ming kishining éniqlanghanliqi uqturuldi.
