gutérrés: ghezzede échinishliq ölüm hadisiliri yüz bériwatidu
birleshken döletler teshkilati bash katipi antonyo gutérrés israiliyening ghezze rayonida dawamlashturuwatqan hujumliri netijiside échinishliq ölüm hadisiliri we derd – elemlerning otturigha chiqiwatqanliqini éytti.
türkiye awazi radiyosi xewiri: birleshken döletler teshkilatining amérika qoshma ishtatlirining nyu york shehirige jaylashqan omumiy kéngishide, dunya kishilik hoquq xitabnamisining 75 – yilliqigha béghishlanghan b d t kishilik hoquq mukapatlirini tarqitish murasimi ötküzüldi.
birleshken döletler teshkilati bash katipi antonyo gutérrés, murasimda qilghan sözide, israiliyening 7 – öktebirdin buyan ghezze rayonida dawamlashturuwatqan hujumliri netijiside échinishliq ölüm hadisiliri we derd – elemlerge shahit boluwatimiz, puqralar üchün qorqunchluq aqiwetlerni keltürüp chiqiriwatqan toqunushlar üzlüksiz dawamlashmaqta.»
«dunya yehudiylargha, musulmanlargha qarsh öchmenlikke, az sanliq xiristiyan jemiyetliri nishan qiliniwatqan hujumlargha, her xil öchmenlik we xorlashlargha naraziliq bilidüreleydighan dölet rehberlirige, shirketlerlerge, siyasiy partiyelerge, diniy we ammiwi teshkilatlargha, hemde bashqa rehberlerge mohtaj.»
bash katip gutérrés birleshken döletler teshkilati musapirlar mehkimisi bilen shiwéytsariyening sahibxaniliqida chaqirilghan «2023 – yilliq dunya musapirlar munbiri» ning yépilish yighinida qilghan sözidimu, ghezzede yüz bériwatqan qorquchluq weyranchiliqtin bashqa, sehrayi kebirdin afghanistanghiche, süriyedin yemengiche, kongo démokratik jumhuriyitidin birma we somalighiche köchüsh hadisilirining otturigha chiqiwatqanliqini eskertip mundaq dédi:
«pelestinlik musapirlar misli körülmigen derijide azab-oqubetlerge berdashliq bériwatidu. birleshken döletler teshkilati bolupmu birleshken döletler teshkilatining yéqin sherqtiki pelestin musapirlirigha yardem bérish we xizmet orgini arqiliq ulargha yardem bérish üchün qolidin kélishiche tirishchanliq körsitiwatidu.»
