yawropa ittipaqi rehberliri rusiyege yéngi émbargolarni yürgüzüsh mesiliside pütüshti
yawropa ittipaqigha eza döletlerning rehberliri rusiyege qarita almas sodisinimu öz ichige alghan 12 – nomurluq émbargo pilani toghrisida kélishim hasil qildi.
türkiye awazi radiyosi xewiri: bélgiyening paytexti biryussélda chaqirilghan yawropa ittipaqi rehberliri bashliqlar yighinining birinchi künidiki muzakireler dawam qiliwatqan bir peytte, bashliqlar yighini bayannamesining rusiyege yürgüzülidighan émbargolar toghrisidiki bölümi heqqide bayanat élan qilindi.
bayanatta, yawropa ittipaqining rusiyege yürgüzüwatqan émbargolarni téximu köpeytish we toluq hem ünümlük yolgha qoyush iradisining qetiyliki tekitlendi.
yawropa ittipaqining rusiyege yürgüzülidighan 12 – nomurluq émbargo pilani almas sodisinimu öz ichige alghan yéngi éksport cheklimiliri, rusiyening néfit kirimini töwenlitish üchün yéqilghu bahasining örlep kétishi we rusiyening émbargolargha munasiwetlik yochuqlardin paydilinishining aldini élish tedbirlirini kücheytishni nishan qilidu.
tepsiliy mezmunliri toluq ashkarilanmighan yéngi émbargolar, 1-yanwar (2024) din bashlap rusiyedin sanaet mehsulatliri qatarigha kirmeydighan almas import qilishni chekleshni öz ichige alidu.
مۇناسىۋەتلىك خەۋەرلەر
