balujistandiki bir saqchixana qoralliq hujumgha uchridi
iranning sistan-béluchistan ölkisining rask shehiridiki bir saqchixana qoralliq hujumgha uchrap, 11 saqchi hayatidin ayrildi.
türkiye awazi radiyosi xewiri: iran resimiy xewer agéntliqi — irna, sistan-béluchistan waliysi bügün kéche yüz bergen qoralliq heqqide bayanat élan qildi؛ bayanatta: «rasktiki saqchixanigha qilinghan térrorluq hujumida 11 kishi shéhit boldi» dégen ibarilerge orun bérildi.
yene bir tereptin, saqchilar bilen qoralliq hujumchilar otturisida yüz bergen toqunushta nurghun hujumchining öltürülgenliki qeyt qilindi.
iran mehelliy taratqulirining xewerlirige qarighanda, hujumning jawabkarliqini iran teripidin <térrorluq teshkilati> dep élan qilinghan, döletning sherqiy jenubidiki sistan-béluchistan ölkiside «rayondiki sünniy béluch xelqining hoquqini qoghdaydighanliqi»ni ilgiri sürüp paaliyet élip bériwatqan «jeyshuledl» (adalet qoshuni) namliq teshkilat üstige alghan.
