iran: amérika qizil déngizda ittipaqdash küch turghuzsa, pewquladde mesililerge duch kélidu

türkiye awazi radiyosi xewiri: iran dölet mudapie ministiri birigada générali muhemmed riza ashtiyani iranliq oqughuchilar xewer agéntliqining <amérika qoshma ishtatlirining qizil déngizda xelqaraliq birleshme qurush pilani> toghrisidiki soallirigha jawab berdi.

rayonning téximu köp küch toqunushigha berdashliq bérelmeydighanliqini otturigha qoyghan ashtiyani: «eger (amérika) bundaq exmeqliqni qilip qalsa, pewquladde mesililerge duch kélidu... bu rayonda nurghun döletler bar, emma bu bizning rayonimiz. bu yerde biz (rayon döletliri) höküm sürüwatimiz. héchkim bu rayonda xalighanche heriket qilalmaydu» dégenlerni qeyt qildi.

amérika dölet mudapie ministirliqi — péntagon, washingitonning ittipaqdashliri bilen qizil déngizda déngizda wezipe ötigüchi qisimlar qomandanliqi qurush toghrisida söhbetlishiwatqanliqini élan qilghanidi.