amérika: qizil déngizdiki paraxotlarning hujum nishani qilinishi xelqara qanungha xilap
amérika qoshma ishtatliri dölet mudapie ministirliqi husiylarning yemen déngiz sahilliridiki paraxotlarni hujum nishani qilishining xelqara qanungha xilap ikenlikini bildürdi.
türkiye awazi radiyosi xewiri: amérika qoshma ishtatliri dölet mudapie ministirliqi bayanatchisi pat raydér, kündilik muxbirlarni kütüwélish yighinida bergen bayanatida, qizil déngizning yemen sahillirida norwégiye bayriqi astidiki bir néfit paraxotining hujum nishani qilinghanliqini, bu heriketning «muqimsizliq» amili ikenlikini eskertip mundaq dédi:
«bu xelqaraliq bir mesile, shunga bu mesilige xelqaraliq hel qilish charisi tépishqa toghra kélidu. derweqe, husiylarning yemen déngiz sahilliridiki paraxotlarni hujum nishani qilishi xelqara qanungha xilaptur.»
«biz qizil déngizning weziyitige dawamliq estayidil muamile qiliwatimiz.»
yemendiki iran qollawatqan husiylar tünügün agahlandurushqa jawab qayturmighan we israiliyege qarap kétiwatqan norwégiyening bir néfit paraxotini hujum nishani qilghanliqirini uqturghanidi.
engiliye déngiz ishliri idarisi qizil déngizda hujum nishani qilinghan bir paraxot we bu paraxot xadimlirining bixeter ikenlikini bildürgenidi.
مۇناسىۋەتلىك خەۋەرلەر
silowéniye pelestinni étirap qilidu
silowéniyening 13-iyunghiche pelestin dölitini étirap qilish toghruluq qarar chiqirishi kütülmekte.
afghanistan saqchiliri hujumgha uchridi
afghanistan bombiliq hujum qilish weqesi yüz bérip, üch saqchi qaza qildi, besh saqchi yarilandi.