b d t ghezzede derhal urush toxtitish chaqiriqini qobul qildi

türkiye awazi radiyosi xewiri:  birleshken döletler teshkilati omumiy kéngishide «tinchliq üchün bir gewdilishish» pilani dairiside, ghezze rayonida derhal «insanperwerlik nuqtisidin urush toxtitish» telep qilinghan qarar layihesi awazgha qoyuldi.

israiliyening ghezze rayonida dawamlashturuwatqan hujumlirini toxtitishi, xelqara qanunlargha boysunushi, tutqunlarni qoyup bérishi we insanperwerlik yardemlirining ghezze rayonigha kirish süritini tézlitishi telep qilinghan qarar layihesi, 10 gha qarshi 153 awaz bilen qobul qilindi.

birleshken döletler teshkilati omumiy kéngishide 10-ayning 27-küni emelge ashurulghan bélet tashlashta awaz bérish hoquqidin waz kechken awstiraliye bilen kanada, bu qétim qarar layihesini qollap awaz berdi.

birleshken döletler teshkilati omumiy kéngishining qararliri ijra qildurush küchige ige bolmisimu, emma 193 döletning 153 i mezkur qarar layihesini qollap awaz bérish arqiliq israiliye bilen amérika qoshma ishtatlirigha küchlük signal bergen boldi.

hamasning herbiy qaniti bolghan qessam birigadiliri 7-öktebir (2023) shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

ghezzediki hökümet, israiliyening 7-öktebirdin bashlap qorshawi astidiki ghezze rayonida dawamlashturuwatqan hujumliri dawamida, hayatidin ayrilghan, köpinchisi ayallar we balilar din teshkil tapqan pelestinlikler sanining 18 ming 412 ge, yarilanghanlar sanining bolsa 50 ming 100 ge yetkenlikini uqturghanidi.