sérbiyede cheklengen bolushigha qarimay, pelestinni qollash namayishi ötküzüldi

türkiye awazi radiyosi xewiri: «pelestin xelqini qollash - sérbiye» teshebbusining ezaliri bélgrad saqchilirining bixeterlik sewebidin ruxset qilmighanliqigha qarimastin hökümet binasining aldigha yighildi.

namayishchilar pelestin we sérbiye bayraqlirini chiqirip, «pelestinge erkinlik!» dep shoarlarni towlidi.

pelestinni qollash we hemkarlishish namayishigha qatnashqanlar «ghezzeni bombardiman qilishni toxtitinglar!» , «ishghaliyetni toxtitinglar!», «israiliye kichik balilarni öltürüwatidu», «kichk balilarni bombardiman qilish, qanunluq özini qoghdash emes», «derhal urush toxtitinglar!» dep yézilghan lozunkilarni kötürüp namayish qildi.

namayishchilar yene, engliyening bélgradtiki elchixanisigha yürüsh qildi we engliye hökümitining israiliyeni qollighanliqigha naraziliq bildürdi.

hamasning herbiy qaniti qassam birigadiliri 7- öktebir (2023) de israiliyege  qarshi «eqsa topani» namliq keng kölemlik hujum qozghighanliqini élan qilghan bolup, buninggha qarita israiliye qisimliri urush ayropilanliri bilen ghezze rayonini bombardiman qilip, «tömür qilich herikiti» ni bashlighanliqini jakarlighan idi.

künséri keskinlishiwatqan toqunushlarda, köpinchisi kichik balilar bolup, 17 mingdin artuq pelestinlik jénidin ayrildi.