nétanyahu: ghezze isirailiyening kontrolluqi astida qoralsizlandurulushi kérek

türkiye awazi radiyosi xewiri: isirailiye bash ministiri nétantyahu urush kabénti yighinidin kéyin ötküzülgen axbarat élan qilish yighinida, isirailiye armiyesining ghezzediki ikkinchi chong sheher bolghan xan yunusni we jibaliyani qorshaw astigha alghanliqini bildürdi.

u ghezzening isirailiyege ikkinchi qétim tehdit peyda qilalmaydighanliqini, térrorluqni qollash bilen eyibliniwatqan ramallahtiki pelestin hökümitining ghezzeni bashquralmaydighanliqini ilgiri sürdi.

u: «urushtin kéyin ghezze qoralsizlandurulidu. buni qilalaydighan birdinbir küch-isirailiye armiyesidur. héchqandaq xelqaraliq küch mesuliyetni üstige alalmaydu. közümni yumup buni qobul qilalmaymen» dédi.

u 365 kiwadrat kilométirliq zéminda yashaydighan 2.3 milyon kishidin 1.9 milyon pelestinlik yurt-makanliridin mejburiy köchürülgen pelestindiki xelqtin «urush yoq rayonlargha köchüsh» ni telep qildi.

u isirailiye taratquliridiki «amérikaning tél awiwdin hujum qilishni eng qisqa waqit ichide toxtitishni telep qildi» dégen xewerler üstide toxtilip: «bizdin urushni téz axilrashturushni telep qilghan dostlar, buning üchün hamasni yoqitish üchün zor küch ishlitishimiz kéreklikini bilishi kérek» dédi.

hamasning herbiy qaniti bolghan qessam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

igilinishiche, israiliyening  barghanséri keskinlishiwatqan hujumliri dawamida, köpinchisi balilar bolup, 16 ming 200 din artuq pelestinlik jénidin ayrilghan.