G7 rehberler yighini yaponiyening sahibxanliqida ötküzülidu
dunyada iqtisadiy eng tereqqiy qilghan yette dölet (amérika, engliye, kanada, firansiye, gérmaniye, italiye we yaponiye) tin teshkil tapqan G7 dölet guruhi rehberliri yighini, yaponiyening sahibxanliqida ötküzülidu.
2073073
türkiye awazi radiyosi xewiri: yaponiye ichki kabéntining bash katipi matsuno xirokazu axbarat élan qilish yighinida, yaponiye bash weziri kishida fumiyoning bügün (6-dékabir) torda G7 dölet guruhi rehberliri yighinigha riyasetchilik qilidighanliqini bildürdi.
u G7 dölet guruhi rehberlirining, «rusiyening ukrainagha 2022-yili 14-féwraldin tartip qiliwatqan hujumliri, ikki aydin buyan dawamlishiwatqan isirailiye-hamas urushi we süniy eqilni öz ichige alghan oxshimighan mesililer» ni muzakire qilidighanliqini qeyt qildi.
u yene, ukraina pirézidénti wolodimir zélénskiyning G7 tor yighinigha qatnishishining pilan qilinghanliqinimu bildürdi.
italiye 2024-yili G7 nöwetchi reislikini yaponiyedin ötküzüwalidu.
